 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
У мяне ёсьць прыгожая песьня
Аб дзяўчыне прыгожай адной.
Гэтай песьні ў грудзёх маіх цесна.
У гэтай песьні ёсьць слова адно‚
Даражэйшае за чырвонцы‚
Ласкавейшае за сон
І цяплейшае за сонца...
У гэтым слове срэбра звон.
Я ня ўмею сьпяваць тую песьню‚
За мяне хай сьпявае вясна.
Жыць мне стала на сьвеце ня цесна:
Ёсьць на сьвеце дзяўчына адна‚
Даражэйшая за чырвонцы‚
Ласкавейшая за сон‚
І цяплейшая за сонца...
Не дзяўчына - срэбра звон.
Я ня ў сілах назваць яе імя‚
За яе і ў агонь бы пабег.
Яе імя з усімі сьвятымі‚
Яе імя... кахаю цябе‚
Даражэйшая за чырвонцы‚
Ласкавейшая за сон
І цяплейшая за сонца...
О‚ нямоўкны срэбра звон!
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
